Uns Internetgeschäft is en bietje anners!!

In en Internetgeschäft mutten Se sük dör ’n heel Bült Medizinen wöhlen, bit Se villicht dat Middel, wat Se hebben willen, finnen – of ok neet! Hör Böskuppen (Bestellungen) worden faken eerst in 48 – 72 Stünnen ofarbeidt un en heel Bült Aptheken, de hör Waren verstüren, willen, dat Se tominnst för en bestimmten Geldsumm bestellen, of Se mutten hoog Portokosten betahlen. In 't Geheel is dat en stuur Wark för Hör.

Umdat Se dat wat lichter hebben, sünd wi dat Problem „oostfreesk … klaar … un frisk“ angahn. Wi löven (Wi sünd overtüggt), dat wi en Lösen funnen hebben, dat Se dat eenfacher, feller, sekerde un villicht sogaar billiger torechtkriegen!

Se hebben de Kans, uns over de köstenfree Telefonnummer 0800-1144422 to faten to kriegen, wenn de Aptheek open is. Denn worden Se van uns utbildt pharmazeutisk Mitabeiders persönlik beraden. Lesderhand entscheden Se, of overhoopt un wat för en Middel Se hebben mutten. – Wenn Se dat willen, stüren of brengen wi Hör Hör Medizinbestellen na Huus. Lü, de dat sülvst ofhalen willen, könen natürelk ok dat nett un künnig (kompentent) Minske van 't Telefon persönelk kennen lehren. Wi würren uns freien!