Grootheid · Oostfreesland
Hör Landaptheek in Grootheid — persönelk, gau un siet Generaties för Oostfreesland daar.
To Huus tüsken Nörden un Auerk, midden in d’ Hart van Oostfreesland — mit Tied un Kompetenz för Hör Fragen rund um Gesundheit un Medizin.
En Aptheek mit Historie un Hart
Uns Friesen-Aptheek is en Landaptheek in Noord-Westdüütskland. Se finnen uns in Grootheid, de Kuntrei tüsken Nörden un Auerk in d’ Hart van Oostfreesland.
Na oll Wenst hollt uns freei un individuell Aptheek an besünnert Weerten düchtig fast. Wi stahnt d’r för liek, dat uns Kunnen hör Medizin överall in de Gewesten heel gau kriegen. Na dat Motto: „Kann denn Leistung Sünn wesen!“ sitten wi d’r achterto, de Qualität stadig to verbetern. Daarum is dat bi uns ok van Belang, dat elk un een sük alltied wiederbilden deit, sodraa dat mögelk is.
Dör uns Kompetenz in Umgang mit all Soorten van Medizin un uns Fliet, dit Weten an uns Kunnen wiedertogeven, teken wi uns ut. Daarbi is över de Jahren en Vetroen tüsken uns un uns Kunnen wussen, waarup wi düchtig stolt sünd.
Hör Claas Friedrich Pollner un all Mitarbeiders
Raad geven. Bestellen. Levern.
So eenfach kann de Weg to Hör Medizin wesen — van de eerste Fraag bit an d’ Huusdöör.
01
Raad geven
Se hebben Fragen of sünd sük unseker in all dat, wat mit Gesundheit to doon hett? Wi beraden Hör geern — of sük dat um Pleeg van krank Lü to Huus, Inkontinenz, Problemen mit Hör Huud of en Wenk van uns geiht, wo man van d’ Roken löss kummt. Wi stahnt Hör künnig to Sied.
02
Bestellen
Wi bestellen för Hör. Dat is egaal, of Se uns dat an’t Telefoon, hier bi uns in d’ Geschäft of dör en Mail weten laten. Seggen Se uns eenfach, wat Se bruken, wi kümmern uns um de Rest.
03
Levern
Se of een of anner van Hör Nahsten bruken Medikamente? Se segen sük aver keen Kans daaran, sülvst to komen of Se hebben keen Tied? Keen Probleem. Wi levern in en Umstreek bit to 15 km, wat Se bruken. Heel eenfach, gau un unkomplizeert.
Alltied för Hör daar!
Ok över dat Beraden an d’ Handverkopenstafel herut doon wi geern noch mehr för Hör.
Wi lehnen ut
Medela Melkpumpen, Babywagen un noch vööl mehr.
Wi kuntrolleren för Hör
Vebandskast för d’ Auto, Huushollen, Bedriev, Scholen of Sportvereen.
Wi telefoneren för Hör
Mit Dokters, Krankenkassen, Krankenhusen, Koppels, de sük sülvst helpen un heel Bült mehr. Laten Se de Lü, de d’r wat van verstahn, an d’ Telefoon.
Wi komen bi Hör
Wi meten Kompressionsstrümpen un Strümpbüxen un verklorekiedeln Hör geern, wo Se mit Blooddruck- un Blootzuckermetgeräten umgahn mutten.
Uns Spezialität
Grootheider Bittern
Wat Se sinooit tomöötssehn, sünd uns oostfreesk Spezialitäten. Se könen uns Grootheider Bittern, een feinen Liköör ut süver Krüden, van uns maakt un offüllt, nu in’t Internet bestellen.
De Minsken achter de Friesen-Aptheek
Neeimoodsk un modern Technik slutt minskelk Insehn för dat, wat Hör up d’ Hart liggt, neet ut. Uns frünnelk un good utbild Koppel nimmt sük Tied för Hör persönelk Laag un för Hör Sörgen. Wi verstahnt Hör in engelsk, franzöösk, spaansk un russisch. Natürelk ok in plattdüütsk.
Apteker
Claas F. Pollner
Apteker mit Liev un Seel. As de Üpperste van d’ Aptheek stah ik för elke Probleem vör un achter de heel Budel an d’ eerst Stee.
Ernst W. Pollner(?)
Na över 35 Jahren as Baas van d’ Friesen-Aptheek, frei ik mi düchtig daaröver, all dat, wat vandaag in uns Aptheek passeert, ut tweed Rieg to bekieken.
PTA
Pharmazeutisch-Technische-Assistenten
Wi stahnt uns Kunnen alltied, wenn d’ Aptheek open hett, geern an d’ Sied, sotoseggen as de verlängert Arm van d’ Apteker. Wi maken för Hör ok besünners Salven, Tinkturen, Kapsels un Teemengsels torecht — up Süverheid un Qualität prüfft.
PKA
Pharmazeutisch-Kaufmännische-Angestellte
Wi sünd de „flietig Immen“ in d’ Achtergrund. Wi kümmern uns daarum, dat uns Warenlager alltied up d’ neeiste Stand is, bestellen de Medizin bi d’ Groothandel un hollen dat Verfalldatum unner Ogen.
Dennst
Medizin-Botinnen
Uns Dennsten levern vörmiddags mit uns Leverwagen Medikamente ut. Se könen uns Kunnen bit an d’ Huusdöör plegen — nettso, as se dat van uns Friesen-Aptheek wennt sünd.
„Spitze — domaals wurr vööl bewegt, um en selten Spezialsalv för uns Dochter to besörgen. De Raad weer frünnelk un kompetent, de Beraders sünd top.“
En Kundin ut Grootheid
Fragen, de faken komen
Hör Fraag is neet daarbi? Ropen Se uns eenfach an — wi helpen geern wieder.
Kann een van mien Familie mien Medizin of Bestellung ofhalen?
In d’ Regel könen Familie, Nabers of Frünnen de Bestellung för Hör ofhalen. Bi Rezepten of besünners empfindelk Medizin ropen Se uns vörher even an.
Wo wied levern Se of komen Se bi mi to Huus?
Wi levern elke Dag in de Gemeen Grootheid un na Ofspraak ok na Marienhafe un Nörden. Ropen Se uns eenfach an.
Testen of impfen Se tegen Corona un maken Se Impfbewiesen?
Corona-Tests un Impfungen beden wi upstünds neet an. Digitale Impfbewiesen könen wi Hör aver maken.
Hör Servicecard
Bi all de verscheden Medikamente is dat wichtig, de Överblick över all Präparate to hollen. So laten sük Wesselwirkungen un Komplikationen vermeiden. Mit uns Servicecard hebben wi alltied de rechte Överblick un könen Hör bestmögelk beraden. Daarbi kriegen Se 3 % Rabatt up dat freiverköpelk Sortiment.